成日見日本人玩得多,今次就到我玩啦!(特別感謝沙律既幫忙)

今次我地整既係Pizza套餐。呢盒野,佢標榜俾小朋友玩。而我地最後既結論係俾小朋友玩…佢阿媽!

 

我地兩個成年人都用左1小時30分鐘,真心覺得有難度,小朋友點玩呢?

不過,佢都有令我地Surprise既地方!唔好睇我就咁講步驟好似好簡單,做起上黎真係好吃力!如果稍一不慎就………………………

 

唔講咁多..去相啦!

  1. 用佢預先提供既包裝,沿虛線剪出Pizza盒形狀,再用膠紙痴好。
  2. 加水製作Pizza餅底及Pizza上既芝士(真係有芝士味架)。然後將粉團壓係Pizza盤上面。
  3. 係餅底上面,塗上蕃茄醬,再灑上芝士碎。啡色個d係肉黎既,同樣係用粉溝水製作而成,慢慢擠上Pizza。

    4.到製作餐內既薯餅啦!同樣開水溝粉而成,然後放係兜入面壓實。壓實後,連同Pizza一齊放入微波爐叮約20秒。

    5.最簡單就係整汽水,加左水之後,唔洗搞乜都唔洗做就完成。

    6. 理想VS現實,整出黎唔醜樣,放到落口,真係好開心,特別係沙律,佢笑到收唔到聲。
     
    佢既味道係最令我地驚喜。唔係甜味,有別於以前既出品,而出黎既成品,真係有Pizza有Pizza味,薯餅有薯餅味,味道同真既冇分別。
     
    總括黎講,唔好信佢包裝,唔好買俾小朋友玩,否則,真係玩著自己架咋!
     
    Credit:
     
    圖片由作者提供
     
此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。 我只有無雕飾、最真摰的文字,沒有半點假仁假意,帶你看盡天下。 喜‧怒‧哀‧樂,是我的世界,How about you!?

版權所有©2013 創動力媒體 Dynamix