
有人話,戀愛中既人肥左,係幸福既表現。
計我話,只係拍拖唔知有咩做,咪一味走去食食食,食肥左囉。
我同另一半絕對係表表者,我鍾意唱K,佢唔鍾意;我鍾意Shopping,佢唔鍾意;
我鍾意睇鬼戲、玩機動遊戲,佢又細膽驚到褲都濕。唯一趣味相投,就係食。
甜品,最好食就係呢間—HESHEEAT。價錢貴,每款約$50-70,但我認為物有所值。

HESHEEAT主打食窩夫,呢個係草莓窩夫配朱古力雪糕,鍾意既可以蘸上蜜糖同朱古力醬。上枱時暖粒粒,窩夫外脆內軟,唔會太甜,食完至少唔覺「漏」!

第二主打係奶凍,我比較鍾意朱古力,所以揀左朱古力口味配紅豆雪糕。
對我而言,即使鋪上脆片同白朱古力,奶凍味道始終太淡,亦食唔出奶既味道。

HESHEEAT其他甜品反而令我喜出望外,特別係栗子蛋糕。佢話就話係蛋糕,事實係外面全部係厚厚既栗子蓉,入面包住既係忌廉,外面灑上糖霜同放上杏仁餅,填補栗子唔夠甜既先天缺憾,有錦上添花之效,絕對係誠意之作!

野莓忌廉脆皮芝士蛋糕?我唔記得左個名啦!佢俾我感覺係「妹仔大過主人婆」,好少見到配菜會大份過主菜,野莓忌廉帶有少許酸味,令人頗為開胃!蛋糕都令我覺得好意外,表面望上去平平無奇唔多脆,但食落去既感覺有如薯片咁脆,只係甜左少少!可以再Encore既~

雞蛋布丁、焦糖燉蛋、雪糕三食。只可以說: 平!靚!正!

最後係蘋果金寶梳乎里,可能我唔應該揀蘋果,太甜,感覺太漏!
不過梳乎里好食,下次要原味算啦!最緊要一上枱要快d食,因為佢好快塌。
一間甜品舖咁多甜品,我地都試左一大半,你話,拍拖點可能唔肥?
[ 您可能對以下有興趣 ]
- 網台節目
- [子程扮熟] 吳日言
- [All Day Breakfast] 開心瘦身Health coach
- [博客館] 生活分享Blogger凌影
- 專欄文章
- [Annie的情感天地] 培訓師之路 - 不會後悔?
- [餐桌上的故事]甜在心
- [彩色樟木櫳] 增肥之選
- [敢露。筆敢言] 黑與毒的邊緣
- [「點指」教仔咁簡單] 新手父母的三大盲點
- [Annie的情感天地] 養兒一百歲
- [Happy Hippes] 愛是檢討
- [「點指」教仔咁簡單] 幸福帶來的不幸
- [半百人生] 幸福
- [卡Ka乜嘜物] 這幸福的碎片 要我怎麼撿
- [彩色樟木櫳] 我的書櫃
- [彩色樟木櫳] 棉花糖
- [正能量※讀書會] 足以自豪 Stand Tall
- [隨心賞樂] 劉若英 - 幸福就是...
- [隨心賞樂] 我要你幸福 - 用歌唱弘法的活佛
- [餐桌上的故事] 被糾纏的幸福
- [香港萬歲] 老人心 3
- 影像節目
- 暫時沒有相關資訊
- 此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。
我只有無雕飾、最真摰的文字,沒有半點假仁假意,帶你看盡天下。
喜‧怒‧哀‧樂,是我的世界,How about you!?













