覺, 每日要瞓; 水, 每日要飲
由細到大, 真係水樽不離身,
你仲記唔記得自己用過啲咩水樽呢?

記得一開始既時候,
應該仲讀緊幼稚園啦
果時用既水樽係有飲管既
一彈出嚟, 水花四濺, 係攻擊人最佳嘅武器

讀小學一年班的時候,
媽媽買了一個新水樽俾我返學
小小既水樽, 我記得係綠色Keroppi
仲可以用個蓋當杯添…

用左兩年, 身邊同學唔知點解開始興用膠樽當水樽
就係咁, 成班同學就係咁轉晒用膠樽
你都知一個膠樽無帶無繩,一甩手就掉到唔知去咗邊
學校怕我哋當啲水樽係武器, 就要我哋加條繩係膠樽到
唔知, 你哋有無用過呢?

到後來, 鋁水樽出現, 因為佢好似外太空既感覺
令我先後兩次都拜到佢石榴裙下
但係…佢真係好易撞凹

到而家, 人大了
係公司, 依然要個水樽傍身
但係, 呢個水樽已經變咗做暖水杯
唉..人老了, 飲都要飲暖水, 聽聞對身體好啲喎…

講返轉頭, 其實我真係好鍾意我個Keroppi水樽,
唔知, 仲有無得賣呢?

逢星期六上載

圖片由作者提供

此文章之主持/專欄作家介紹:沙沙密卡
《彩色樟木櫳》-最愛旅行、畫公仔, 迷戀舊物舊事,最好嘅拍檔係木顏色, 雖然無正式學過畫畫, 但係相信只要堅持去畫, 終有日會成為插畫家! 著作有手繪圖文書<打邊爐>

版權所有©2013 創動力媒體 Dynamix