我係讀上晝班的

想當年, 小學仲係分緊上午校同下午校
同一個課室, 上晝同下晝就有兩班人上堂
對於我嚟講, 下晝班既人真係非常神秘
我哋無相遇既時間
唯一共同擁有既就係呢個課室同呢張台

究竟佢哋下晝會做啲咩呢?
啲老師又會唔會靚啲呢?

為咗認識一吓下晝班既同學, 我哋決定寫封信俾佢

點知第二日真係收到回信喎!

就係咁, 我哋就成為咗一個學期既朋友
櫃桶筆友, 成件事真係好浪漫…

識到新朋友雖然開心
但係有時見到佢哋留底啲嘢真係忟忟地
你都知啦, 櫃桶已經細, 你仲要留底啲嘢係度,
咁我哋啲嘢放係邊呢?

下晝班既同學會留咩俾你?
跟據資料搜集出嚟既結果, 大致如下:

真係, 千年鼻屎,
唔好講笑, 唔知點解當年啲小朋友咁鍾意係學校”採礦”
聽聞有唔少同學中過招呢!

逢星期六上載

圖片由作者提供

此文章之主持/專欄作家介紹:沙沙密卡
《彩色樟木櫳》-最愛旅行、畫公仔, 迷戀舊物舊事,最好嘅拍檔係木顏色, 雖然無正式學過畫畫, 但係相信只要堅持去畫, 終有日會成為插畫家! 著作有手繪圖文書<打邊爐>

版權所有©2013 創動力媒體 Dynamix